கல்யாணப்பெண்
வரதட்சணையுடன் வந்தால்
சந்தோஷமாய் வாழ்வாள்
இல்லையெனில்
சந்தோஷமாய் சாவாள்
இதனைக் கண்டு
தட்டிக்கேட்டு துணிந்து எழ
அவள் கண்ணகியுமல்ல;
நாட்டியம் ஆடி வாழ
அவள் மாதவியுமல்ல
கல்லால் ஆனாலும் கணவன்
புல்லால் ஆனாலும் புருஷன்
எனும்
தாரகை மந்திரம் ஓதும்
சாதாரண பசளிப் பெண்
அவளின் வாழ்வே வரண்டமண்
நன்றாக வாழ்ந்தால் செம்மண்
இல்லையெனில், கைம்மண்
அவள் உருவாகிறாள்
கருவறையில்
அமர்கிறாள் மணவறையில்
நிம்மதியடைகிறாள்
கல்லறையில்
பெண் ஒரு முல்லை
அவளுக்கு கொடுமையும்
தொல்லையும் ஏராளம்!
ஏராளம்!
பெண்கள் வாழ்வில்
நினைத்ததை
சாதித்தார்கள் அன்று
இன்றும் நினைத்ததை
சாதிக்கிறார்கள் சாவில்!
கரு மேகங்கள் பொழிகிறது
தண்ணீரை அல்ல
ஏழை மங்கையின் கண்ணீர்
என்பதை நீ ஏன்?
சிந்திக்க மறுத்ததேனோ!
- சஹானா, அக்கரைப்பற்று
பட்டதாரி ஆசிரியரான நான் சுமார் 10 வருடங்களுக்கு மேலாக இணையத்தில் இவ்வாறு தளத்தினை உருவாக்கி தரவுகளை மற்றவர்கள் அறிந்து கொள்ளும் நோக்குடன் வழங்குவதுடன். எனக்குக் கிடைக்கும் சில மணித்தியாலங்களையும் இதனுடன் செலவு செய்கிறேன்..
ConversionConversion EmoticonEmoticon